Во правците на Купјанск, Краматорск и Торец, поради руските јуришни операции, уништени се одредени позиции на одбранбените сили на Украина, соопшти украинската војска.
„Поради непријателските напади и удари, некои од нашите позиции беа уништени. Се преземаат мерки за спречување на влошување на тактичката позиција“, соопшти денеска на Телеграм украинската воена оперативна единица „Хортиција“, пренесува Укринформ.
Украинската војска исто така објави дека во текот на ноќта биле соборени 47 руски беспилотни летала, додека други 27 исчезнале од радарите без да стигнат до своите цели.
Украинското воено воздухопловство исто така во објава на Телеграм наведува дека зградите и возилата во седум различни региони се оштетени поради паѓање на делови од соборени дронови, но дека нема жртви, пренесе Укринформ, пренесува Танјуг.