Украина е подготвена да продолжи да извезува струја во европските земји бидејќи ја промени ситуацијата пред шест месеци кога беше оставена во темнина поради жестокото руско гранатирање, изјави денеска министерот за енергетика Херман Халушченко.
Министерот изјави дека способноста на државата да ја покрие домашната потрошувачка и да произведува електрична енергија за извоз е резултат на „титанската работа“ на украинските инженери и странските партнери.
Во септември Русија уништи половина од енергетскиот систем на Украина, предизвикувајќи прекин на електричната енергија низ цела Украина, а десетици милиони жители останаа без греење.
Москва рече дека тоа ја ослабнало способноста на Украина за борба, а западните власти рекоа дека нападот врз тие цивилни цели е воено злосторство.
Во октомври Украина мораше да престане да извезува електрична енергија за да ги задоволи домашните потреби.
Во декември, американскиот државен секретар Ентони Блинкен објави 53 милиони долари помош за Украина за купување опрема за електрична мрежа, со 55 милиони долари за поддршка на енергетскиот сектор.
Халушченко рече дека останува уште многу работа, дека на Украина ѝ се потребни средства за поправка на оштетените далноводи и дека приходите од извозот на електрична енергија би биле еден начин да се направи тоа.
Украина прво ќе извезува струја во Молдавија, а потоа во Полска, Словачка и Романија, рече министерот.
Сите информации поврзани со најновите случувања со војната во Украина можете да ги прочитате ТУКА.