Учениците од СОУ „Перо Наков“ ќе ја играат претставата „Госпоѓа министерка“

Учениците од Средното општинско училиште „Перо Наков“ во понеделник на сцената на кумановскиот театар ќе ја изведат претставата „Госпоѓа министерка“, според текстот на Бранислав Нушиќ, но на кумановскиот дијалект.

Под менторска палка на Сашо Тодоровски и Александра Георгиевска на сцената ќе имаме можност да ги видиме актерските способности на Марија Коцевска, Дејвид Стоилковски, Милена Стојановска, Мартин Павловски, Стефан Павличек, Димитар Петрушевски, Гоце Хаџиски, Јована Спасовска, Николај Павловски, Ивана Мадиќ, Катерина Стојмановска, Сара Спасовска, Столе Јаневски, Кристина Петрушевска.

Билетите се пуштени во продажба, а поради големата заинтересираност веќе е закажано и репризно изведување на комедијата во вторник со почеток од 20 часот.

Заинтересираните билет може да си обезбедат на билетарата на Театар Куманово по симболична цена од 50 денари и тоа секој работен ден од 10 до 14 и од 17 до 20 часот.