Во Јапонија, по земјотрес со јачина од 7,7 степени по Рихтер, издадено е предупредување за зголемен ризик од уште посилен земјотрес во следните седум дена.
Според проценките, тој би можел да достигне јачина од осум или дури и повеќе степени.
Епицентарот на земјотресот бил по должината на североисточниот брег на островот Хоншу, а властите веднаш наредиле евакуација на крајбрежните подрачја поради опасност од цунами високи до три метри, но највисоките бранови биле високи околу 80 сантиметри.
Предупредувањата подоцна биле повлечени.