Новоизбраниот американски претседател Доналд Трамп изјави дека е многу блиску до постигнување договор за ослободување на заложниците кои ги држела палестинската милитантна група Хамас во Појасот Газа.
Loading...
Трамп за мрежата „Њузмакс“ изјави дека договор може да биде постигнат до крајот на неделата.
– Многу сме блиску да го направиме тоа. Тие мора да го направат тоа. Ако не го сторат тоа, ќе има многу неволји таму – многу неволји какви што досега не виделе. Тие ќе го направат тоа – рече Трамп.
Тој изрази жалење што голем број заложници повеќе не се живи поради тешките услови во кои Хамас ги држеше.
Израел верува дека околу половина од 98-те заложници во Појасот Газа се уште се живи.