Секторот за внатрешни работи Куманово приведе две лица кои возеле под дејство на алкохол, едно од Куманово, едно од Крива Паланка.
Како што информираат од Министерството за внатрешни работи, поради присуство на 1,68 промили алкохол, приведен бил 37-годишен кумановец.
– На 01.04.2025 во 23.20 часот полициски службеници од Полициската станица за безбедност на патниот сообраќај при СВР Куманово го лишиле од слобода А.М. (37) од Куманово. При контрола на патниот сообраќај било констатирано дека А.М. управувал патничко моторно возило „рено“ под дејство на алкохол, односно му биле измерени 1,68 промили, велат од кумановската полиција.
Ноќва пак нешто по полноќ, бил приведен жител на Крива Паланка кој управувајќи камион излетал од патот, но било констатирано дека е пијан.
– На 02.04.2025 во 00.20 часот, полициски службеници од ОВР Крива Паланка го лишиле од слобода М.П. (34) од Крива Паланка. Тој на 01.04.2025 во 22.10 часот на магистрален пат Крива Паланка- Деве Баир со товарно моторно возило „волво“ со скопски регистарски ознаки излетал од коловозот. М.П. се здобил со телесни повреди, констатирани во Здравствен дом во Крива Паланка, а било констатирано дека има 1,57 промили алкохол во крвта, велат од СВР Куманово.
Против двете лица ќе биде поднесена кривична пријава по член 297а од Кривичниот законик – „безобѕирно управување со моторно возило“.
Никола Ивановски