Поранешна сопственичка на погребна куќа во Колорадо е осуден на 20 години затвор, откако беше обвинета за сецирање на стотици мртви тела и продажба на делови од телата.
Нејзината мајка е осудена на 15 години.
Меган Хес се изјасни за виновна за измама во јули. Таа управувала со погребално претпријатие и со донатор на делови од телото од истата зграда во Монтроус, Колорадо, пренесува РТС.
Нејзината мајка, Ширли Кох, исто така се изјасни за виновна за измама и беше осудена на 15 години затвор.
Таа имала задача да ги сецира телата, покажуваат судските записи, пишува Гардијан.
„Хес и Кох понекогаш го користеле погребалното претпријатие за да крадат тела и делови од телото користејќи лажни и фалсификувани донаторски обрасци. Нивното однесување предизвика огромна емоционална болка кај семејствата и најблиските“, рече обвинителот Тим Неф во судската пријава.
Федералниот случај беше поттикнат од истражната серија на Ројтерс помеѓу 2016 и 2018 година за продажба на делови од телото во САД, практично нерегулирана индустрија.
Поранешни работници изјавија за Ројтерс дека Хес и Кох го извршиле неовластено распарчување, а неколку недели по објавувањето на приказната од 2018 година, ФБИ изврши рација во нивните канцеларии.
„Ова е најемотивниот случај што сум го доживеал во судница. За судот е вознемирувачки што Хес одбива да преземе каква било одговорност за сопственото однесување“, рече окружната судијка на САД Кристин М. Аргуело за време на сослушувањето.
Судијата нареди веднаш да бидат испратени во затвор.
Адвокатот на Хес рече дека таа е неправедно клеветена како „вештерка“ и „чудовиште“ и наместо тоа е „скршено човечко суштество“ чие однесување може да се припише на трауматска повреда на мозокот на 18-годишна возраст. Хес одби да разговара со судијата.
Кох рече дека и е жал за сè и презема одговорност за своите постапки.
Во САД е нелегално да се продаваат органи како што се срца, бубрези и тетиви за трансплантација, иако тие можат да се донираат.
Но, продажбата на делови од телото како што се главите, рацете и рбетот, што го направи Хес, за употреба во истражување или образование не е регулирано со федералниот закон.
Хес ги измамила роднините на починатите лажејќи за кремирање, расчленувајќи ги телата и ги продавала без дозвола.
Компаниите за обука на хирурзи и други фирми кои купилее раце, нозе, глави и торзо од Хес не знаеле дека биле добиени со измама, велат обвинителите.
Хес им наплаќала на семејствата до 1.000 долари за кремирање што никогаш не се случило, рекоа обвинителите, и понудиле бесплатни кремирања на другите во замена за донација на телото.
Обвинителите рекоа дека таа организирала повеќе од 200 семејства, кои добиле кремирана пепел од канти измешани со остатоци од разни трупови.