Десетгодишната Наташа Кампус го напуштила семејниот дом во Виена рано наутро на 2 март 1998 година, за да оди на училиште, но никогаш не пристигнала таму.
Додека одела по улицата, видела бело комбе зад кое ненадејно се појавил непознат маж и ја фатил за половината и ја турнал во возилото. Неговото име било Волфганг Приклопил.
Петнаесет години подоцна, Наташа (29) дизајнира колекција накит инспирирана од нејзиното киднапирање и заробеништво, кое траело осум и пол години.
View this post on Instagram
Како што изјави во интервјуто, кога пред неколку години се појави пред телевизиските камери, таа е горда на себе.
– Горд сум, бидејќи тоа беше долг пат. Не сакам да ѝ бидам товар на државата и не сакам да живеам од парите на даночните обврзници – рече Кампус за својата нова колекција.
Обетки, приврзоци за ѓердани и други парчиња накит што таа ги дизајнирала, имаат цветни мотиви и закривени линии.
„Тоа симболизира остар пресврт во мојот живот, неговиот нагорен лак и слободата“, рече таа.
View this post on Instagram
Во текот на тие осум и пол години, Волфганг ја силувал, изгладнувал, тепал и психички ја малтретирал, сè додека не избегала на 23.08.2006 година.
По нејзиното бегство, тој се фрлил под воз. Поголемиот дел од своето детство Наташа го поминала затворена во неговата куќа, која ја наследила.
Таа објасни дека тоа е терапија и за неа.
– Тој имаше две личности. Една од нив беше целосно мрачен и шизофреничен. Брутално и без размислувања за последиците. И другата страна, на храбар и згоден човек – рече Кампус.
Од пет квадратни метри од просторијата во која минала поголемиот дел од своето време, денес остануваат само голи sидови.
View this post on Instagram
Нејзините психијатри велат дека имотот треба да биде отстранет и на прашањето зошто таа не сака да ја продава или руши куќата, Наташа рече дека не сака никој да ја претвори во „тематски парк“.
Таа покрај куќата го чува и неговиот автомобил. Додава дека му простила на нејзиниот киднапер.
– Му простив. Јас дури еднаш отидов на неговиот гроб – открила Наташа.
Зошто била на тој гроб, како и зошто пуштила солза во едно телевизиско интервју кога го коментирала неговото самоубиство, таа не сака да зборува.
View this post on Instagram
Наташа вели дека децата и бракот не се за неа. Таа објасни дека секогаш сметала дека е најдобро да основа семејство и да има деца до 25 години за подоцна да може да и се посвети на својата кариера.
– Не сакам да бидам стара баба. Бракот е убав и им се восхитувам на сите што се доволно храбри да влезат во нешто толку убаво, но мислам дека во моментов нема никаква цел – рече Кампус и одби да одговори на прашањето дали е во врска.
https://youtu.be/m0y7nVqieuE