Пожар избувна во средата во термоелектраната Такетојо во префектурата Аичи, централна Јапонија, соопшти нејзиниот сопственик ЈЕРА, додавајќи дека работата во централата е прекината.
Јавниот сервис NHK претходно објави дека се слушнала експлозија, а очевидци забележале црн чад како се издига од термоцентралата.
Црн чад излегуваше од котларата на термоцентралата, а покрај неа гореше транспортер за јаглен, објави NHK.
Пожарникарите биле испратени на местото на настанот откако добиле повици од сведоци, изјави претставник на локалната противпожарна служба за Ројтерс.
Електраната е управувана од JERA, водечка јапонска комунална компанија.
JERA објави дека околу 15:14 часот по локално време (07:14 по средноевропско време), на подвижната лента со која се транспортира гориво во фабриката биле откриени чад и пожар.
Работата во објектот набрзо била прекината, соопшти ЈЕРА, додавајќи дека нема повредени.
Производниот капацитет на термоелектраната Такетојо е 1.070 MW, што е меѓу најголемите во Јапонија во однос на една производна единица, се наведува на веб-страницата на JERA.
Термоелектраната се наоѓа на околу 40 километри јужно од Нагоја, најголемиот град во централна Јапонија.
Breaking: There was an explosion today at the Taketoyo Thermal Power Station in Aichi prefecture. Videos shared on social media show flames and black smoke rising from the facility. pic.twitter.com/cXsJoERyUm
— Jeffrey J. Hall 🇯🇵🇺🇸 (@mrjeffu) January 31, 2024