Унгарскиот министер за надворешни работи Петер Сијарто денеска изјави дека Будимпешта се противи на удари со оружје со долг дострел на руска територија, бидејќи, како што наведе, тоа повлекува ризик од сериозна ескалација на конфликтот.
„Ако има се повеќе и повеќе оружје во Украина, ако има далекусежни удари на руска територија, ќе има поголема опасност од ескалација, а опасноста од војна ќе стане посериозна и оваа војна само ќе стане потешка. Не го сакате ова, па денес да претставуваме мирен однос кон Брисел“, напиша Сијарто на Фејсбук пред денешната средба на министрите за надворешни работи и за одбрана во Брисел, пренесува Танјуг.
Сијарто оцени дека она што може да се види на бројните видеа, на кои се гледа како „сиромашните Украинци се носат на фронтот, каде повеќето од нив во основа чекаат да умрат“, е „брутално“.
Ова лудило мора да заврши, а исто така и војната во Украина“, заклучи шефот на унгарската дипломатија.