Добитник на Нобеловата награда за медицина оваа година е Сванте Пабо, шведски генетичар, за откритија во областа на изумрените хоминински геноми и човечката еволуција.
Нобеловиот комитет објави дека Пабо „постигнал нешто наизглед невозможно“ кога го секвенционирал првиот геном на неандерталецот и открил дека хомо сапиенсот се вкрстувал со неандерталците, пренесува CNN.
Првиот доказ за ова откритие се појавил во 2010 година, кога Пабо пронашол методи за екстракција, секвенција и анализа на античка ДНК од коските на неандерталците.
Благодарение на неговата работа, научниците сега можат да ги споредат геномите на неандерталците со генетските записи на современите луѓе.
Нобеловите награди постојат благодарение на шведскиот научник и индустријалец Алфред Нобел, кој сакал секоја година да се издвојуваат пари од неговиот фонд за да придонесе за човештвото.
BREAKING NEWS:
The 2022 #NobelPrize in Physiology or Medicine has been awarded to Svante Pääbo “for his discoveries concerning the genomes of extinct hominins and human evolution.” pic.twitter.com/fGFYYnCO6J— The Nobel Prize (@NobelPrize) October 3, 2022
Алфред Нобел (1833-1896) ги одреди институциите кои ќе ги доделуваат наградите секоја година, вклучувајќи ги Шведската академија на книжевноста, Институтот за медицина Каролинска, Кралската шведска академија за физика и хемија и Комитетот за мир специјално избран од норвешкиот парламент.
Нобеловата награда се состои од златен медал, диплома и чек од околу девет милиони круни (околу еден милион евра).
Паричниот износ на наградата се дели доколку во една дисциплина има повеќе лауреати.
Биографија
Сванте Пабо е роден на 20 април 1955 година во Стокхолм.
Неговата мајка е естонска хемичарка, а неговиот татко Суне Бергсторм (почина во 2004 година), биохемичар, кој ја подели Нобеловата награда за медицина во 1982 година со Бенгт Самуелсон и Џон Роберт Вејн.
Тој е специјализиран во областа на еволутивната генетика.
Тој се смета за еден од основачите на палеогенетиката, научна дисциплина која користи генетски методи за проучување на првиот човечки вид и други древни популации.