Четири ученици од ООУ „Кирил и Методиј“ во кумановското село Романовце се во домашна изолација откако кај еден ученик била потврдена шуга.
Како што информираше директорот на училиштето Скендер Рушити, еден случај е потврден, а за три постои сомнение, но засега нема потврда дали станува збор за шуга.
Случајот до надлежните служби го пријавиле од училиштето во петок, по што викендов е направена дезинфекција на сите простории.
– Имаме преземено мерки за дезинфекција на училиштето, сите училници се чистени, сите простории се исчистени од наша страна и денеска имаме докторка емидемиолог и водиме сега разговор како понатаму да постапиме, изјави директорот Рушити.
Ученикот кај кај болеста е потврдена има наредба за домашна изолација до 22ри месецов заедно со целото семејство.
Уште кај тројца ученици постои сомнение, но нема повтда дека ја имаа болеста.
– За еден случај имаме потврда, а други ученици од наша страна усмено ги изолиравме, тие деца си седат дома, уште за двајца ученици, едната е сестра на ученикот кој е потврден, а за третото дознавме дека има и од петок не доаѓа на учичиште, вели директорот.
Меѓу мерките што училиѓтето ги презело е и предавање за заразни болести од страна на наставничката по биологија, а денеска Центарот за јавно здравје е во училиштето и по нивна наредба ќе се преземаат следните чекори.
Наставата, вели директорот, се одвива непречено, откако училиштето е целосно дезинфицирано.
Од Центарот за јавно здравје Куманово повеќе детали најавија за утре, откако денеска ќе извршат теренски увид на состојбата.
Шугата е едно од трите најчести кожни заболувања кај децата и може да се пренесува со директен контакт.
Никола Ивановски