Штетата на имотот, домувањето и инфраструктурата по катастрофалните поплави што го погодија Непал минатата недела се проценува на најмалку 387,5 милијарди непалски рупии, или 2,56 милијарди долари, изјави денес раководителот на Националниот орган за намалување и управување со ризици од катастрофи, Дарма Раџ Упрети.
За првите четири месеци од реконструкцијата ќе бидат потребни околу 52,6 милиони долари за изградба на патишта и привремени засолништа, обезбедување вода за пиење и обновување на снабдувањето со електрична енергија, рече Упрети.
Непал ќе мора да обнови околу 20.000 куќи во погодените од поплавите области, од кои најмалку 7.500 се целосно уништени.
Упрети истакна дека проценките се направени во соработка со надлежните државни институции, додека детална проценка на штетата сè уште не е извршена.
Катастрофалните поплави што го погодија Непал минатиот месец беа предизвикани од уривањето на глечер, кој испрати порој од мраз, камења и кал по реката Тришули во пограничната област со Кина.
Повеќе од 1.250 луѓе загинаа во Непал, додека повеќе од 4.200 луѓе сè уште се водат како исчезнати, а илјадници се раселени.
Катастрофата започна на 26 август на Хималаите, каде што уривањето на глечер исфрли огромни количини карпи, мраз и вода кон долините.