Наодите на конзорциумот новински организации дека новинари, активисти за човекови права и опозициски политичари биле мета на авторитарни режими и десни популистички влади кои користат израелски шпионски софтвер за да ги следат е своевиден повик до меѓународната заедница да ограничи употреба и дистрибуција на технологија за надзор за иднината на демократијата, пишуваат светските медиуми.
Како што објави денес Радио Слободна Европа (РСЕ), медиумските групи ги повикуваат владите да се вклучат во регулирање на продажбата на шпионски софтвери, откако големите новински медиуми објавија дека телефоните на стотици новинари, активисти, дисиденти и адвокати ширум светот биле насочени кон инвазивен софтвер за надзор според списанието The Time.
„Индустријата покажа дека не е во состојба сама да ја врши полициската работа, додека владите – вклучително и демократиите – се кријат зад националната безбедност за да прикријат злоупотреби на надзорот“, се вели во соопштението на групата за дигитални права „Access Now“.
Базата на податоци, добиена од непрофитната медиумска организација Forbbiden Stories, споделена со Амнести Интернешнл и неколку публикации, содржи список на телефонски броеви за кои се верува дека се избрани за да ги следат клиентите на групата НСО, израелска компанија која развила дел од шпионски софтвер наречен Пегаз кој може да пристапи до информации од паметен телефон.
Потенцијалниот обем на достигнување на софтвер открива за прв пат до кој степен владите ширум светот го користат новиот приватен пазар за шпионски софтвери, проценува американското списание, додавајќи дека шпионската индустрија сè уште е во голема мерка нерегулирана, делумно затоа што самите држави често се корисници.
Средство за шпионирање на критичарите
„Фајненшл тајмс“ во својот едиторијал наведува дека шпионскиот софтвер „Пегаз“ му овозможува на корисникот да навлезе во најтемните агли на паметните телефони – лични податоци, приватни пораки, слики и списоци со контакти и може да вклучува камери и микрофони.
Технологијата, додава весникот, е дизајнирана да ги насочи терористите и криминалните групи, но наводно станала средство за државите да ги шпионираат критичарите, неистомислениците и другите.
Со години, глобалната шпионска индустрија работи од сенка, изложена само на организациите за човекови права и новинарите. Индустријата тврди дека станува збор за борба против криминалот и тероризмот.
Сепак, членовите на индустријата честопати им го продаваат на владите кои ги изедначуваат „криминалот“ и „теророт“ со „критичарите“ и „несогласувањата“, напишаа професорот по право на Универзитетот во Калифорнија, Дејвид Кеј и Мариет Шејке, директор на меѓународна Политика на Центарот за сајбер политика на Универзитетот Стенфорд, за „Вашингтон пост“.