Извршната директорка на Меѓународниот монетарен фонд (ММФ), Кристалина Георигиева, изјави дека проблемите на светската економија не можат да се сведуваат само на висока инфлација и бавен раст и предупреди дека на светот му претстојат уште неколку тешки години.
Годинава се очекува светската економија да порасне за 2,8 отсто.
Минатата година беше 3,4 отсто, а пред две години беше 6,1 отсто, но во моментов најголем проблем е постојаната инфлација, изјави за ХРТ Георгиева, која присуствуваше на меѓународна конференција во Дубровник.
Таа посочи дека ограничувањето на монетарната политика влијаело на падот на вкупната инфлација, но се покажало дека базната инфлација е поупорна, што значи дека каматните стапки ќе мора да останат високи подолго време, што ќе продолжи да влијае на економските раст, па се предвидува дека во следните пет години тој ќе изнесува само три проценти годишно.
Георгиева изјави дека проценките укажуваат дека инфлацијата годинава ќе биде седум проценти и дека ќе има напредок во 2024 година, но сепак ќе остане далеку над нивото кое би било задоволително.
– Кога зборуваме за каматните стапки, тоа значи дека ќе треба да бидеме подготвени за повисоки каматни стапки барем оваа и следната година, но добрата вест е што веќе не зборуваме за тоа колку ќе бидат високи, туку колку долго ќе бидат биде висока, рече Георгиева, додавајќи дека тоа секако ќе влијае на инвестициите и потрошувачката.
На прашањето дали постои опасност од растење на сиромаштијата во светот, таа рече дека тоа веќе се случува и дека се очекуваат тешки времиња во следните неколку години, а главната причина за тоа ја гледа во руската агресија врз Украина, која се прелева во целиот свет.
– Трошоците за одбрана се зголемуваат, што значи дека остануваат помалку пари за развој во земјите и помош за сиромашните земји, рече Георгиева и посочи дека единствената добра страна на војната е фактот што Европа брзо се ослободи од зависноста од руската нафта и гас.
Сите информации за економско-енергетската криза во Македонија, регионот и светот можете да ги прочитате ТУКА.