Артеријата распоредена од Северна Кореја по должината на западната линија на фронтот е постаро оружје, а не нов систем со кој Пјонгјанг неодамна се закани дека ќе ги зајакне своите гранични позиции, објави денес јужнокорејската војска.
Самоодната хаубица е забележана во близина на меѓукорејската граница, јужно од вообичаените позиции на Северот, објави Јонхап.
Фотографиите направени од агенцијата Јонхап од Гимпо, западно од Сеул, покажуваат она што експертите го нарекуваат самоодна хаубица од 122 мм во крајбрежната област на округот Кепунг, покраината Хванге.
„Според нашите сознанија, Северна Кореја распоредила постаро артилериско оружје по должината на крајбрежните области и на целосно видливи места“, изјави портпаролот на Заедничкиот генералштаб на јужнокорејската армија, капетан Јанг До Јунг, додавајќи дека системот не може да се класифицира како ново оружје што Пјонгјанг неодамна го спомена.
Сестрата на севернокорејскиот лидер Ким Јо Џонг претходно се закани дека ќе распореди „ново тактичко оружје“ по должината на воспоставената граница и ќе ја рестартира пропагандата насочена кон Јужна Кореја.
Во него се вели дека тоа е одговор на предупредувањата од Јужна Кореја преку звучниците и испукувањето предупредувачки истрели.
Сеул постојано протестира против работите на Северна Кореја за утврдување на границата, тврдејќи дека тие се прошириле јужно од воената демаркациска линија што ги разделува двете Кореи.
Севернокорејските трупи градат тактички патишта и огради во последните месеци како дел од напорите за зајакнување на границата, според Јонхап.
Овие мерки се дел од напорите на севернокорејскиот лидер Ким Џонг Ун да ги дефинира односите меѓу двете Кореи како односи меѓу „две непријателски држави“.
Иако Северна Кореја ги зајакна своите гранични позиции и претходно, ова е прв пат, според извештаите, да распореди систем на тешко оружје веднаш до границата, што набљудувачите го сметаат за многу необичен потег, пренесува Танјуг.