Полицијата во езерото Мид во близина на Лас Вегас наоѓа се повеќе човечки останки.
Кога езерото почнало да се повлекува или да се намалува поради сушата, почнало да ги открива своите мрачни тајни.
Властите оваа година во пет наврати пронајдоа човечки останки во езерото, од кои три беа пронајдени на плажата Свим.
Засега не е познато дали деловите од телото откриени на таа плажа припаѓаат на едно или повеќе лица.
Video shows witnesses finding suspected human remains floating near the shore of Lake Mead Watch the entire video: https://t.co/yV9hoLKmCC
(Video: Jesus Catalan) pic.twitter.com/m8wQZcWDZi
— David Charns (@davidcharns) July 26, 2022
Татко на две деца
Медицинскиот преглед на округот Кларк ги идентификуваше човечките останки пронајдени во заливот Калвил во мај како останки на 42-годишен маж кој наводно се удавил пред две децении.
Според полициските извештаи, Томас Ернд од Лас Вегас бил пријавен дека се удавил на 2 август 2002 година, според NBC News.
„Идентификацијата се заснова на информациите собрани во текот на истрагата, ДНК анализата и оригиналните извештаи за инцидентот. Причината и начинот на смртта на Ерндт засега не се утврдени“, изјави портпаролот на округот Кларк, Ден Кулин.
Известувањето за смртта беше објавено на 8 август 2002 година во весникот Las Vegas Review-Journal.
Во него пишува дека Ерндт скокнал од чамецот, дека се смета за исчезнат и претпоставува дека се удавил.
Според некрологот, Ерндт бил татко на две деца.
Тело во буре
На почетокот на мај на калливиот брег на езерото беше пронајдено буре со остатоци од човечко тело.
Полицијата соопшти дека станува збор за лице кое починало во 1970-тите или 80-тите години.
Пронајденото буре, силно кородирано, го забележале луѓе кои пловеле со брод.
Истрагата констатирала дека се работи за убиство.
Облеката и чевлите на жртвата им помогнале на иследниците да го одредат приближното време на смртта бидејќи дел од облеката била добро сочувана и етикетите биле видливи.
Десет дена подоцна, исто така во мај, две сестри кои откриле уште едно распаднато тело.
„Најпрво мислев дека тоа се остатоци од овца, а потоа почнавме малку да копаме и најдовме вилица. Тешко ми беше да поверувам дека всушност најдовме остатоци од човечко тело“, рекла Линдзи Мелвин, а пренесува од Би-Би-Си.
Област поврзана со мафијата
Последното откритие на човечки останки се случи на 15 август на Swim Beach.
Пред тоа, трет сет на делумни останки беше пронајден во областа на 25 јули, по што властите пронајдоа повеќе коски на 6 август.
Остатоците од телата пронајдени на 25 јули биле забележани од посетител на плажата.
Инспекторите потоа ги пронајдоа останките и започнаа истрага.
Блискиот Лас Вегас историски бил рај за криминалци поврзани со мафијата и се верува дека мафијата ги фрлила телата на своите непријатели во длабоките води на езерото, според АФП.
Голема суша
Најголемиот американски резервоар за вода, езерото Мид, снабдува со вода за пиење 20 милиони луѓе во областа која се протега од Лас Вегас до Лос Анџелес.
Неговото ниво почна да опаѓа во 2000 година, а ситуацијата се влошува со почести суши и климатски промени. Неговото сегашно ниво е најниско од 1937 година.
„Најголемиот резервоар во САД снабдува со вода милиони луѓе во седум држави, племенски заедници и северно Мексико. Овие слики даваат јасна слика за последиците од климатските промени и долготрајната суша која може да биде најлоша во западниот САД во 12 века“, објави вселенската агенција во јули.