Во неделата, „Ер Индија“ објави моментално прекинување на сите летови до и од Тел Авив поради ракетен напад врз меѓународниот аеродром „Бен Гурион“ во близина на Тел Авив.
Балистичка ракета испукана од Хутите од Јемен утрово го погоди реонот на аеродромот „Бен Гурион“.
Како што претходно објавија службите за итни случаи, како резултат на нападот, едно лице е повредено на еден од паркинзите на аеродромот.
Хутите претходно ја презедоа одговорноста за овој напад.
„Ер Индија“ исто така објави дека летовите до Тел Авив ќе бидат суспендирани до 6 мај, наведувајќи ја безбедноста на патниците и персоналот како причина.
„Поради настаните во Тел Авив утрово, нашите летови до и од Тел Авив ќе останат суспендирани до 6 мај 2025 година, за да се обезбеди безбедноста на нашите патници и персонал. Нашите колеги им помагаат на патниците со алтернативни аранжмани“, соопшти Ер Индија.
Германската компанија „Луфтханза“ исто така откажа летови, вклучувајќи ги и оние од нејзините подружници „Свис“, „Бруселс ерлајнс“ и други.
Покрај тоа, американските превозници „Јунајтед“ и „Делта“, кои неодамна ги продолжија летовите до Израел, исто така ги откажаа своите летови, заедно со „Ер Франс“, „Ер Канада“, јапонскиот „Нипон ервејс“, шпанскиот „Ер Европа“ и „Бритиш ервејс“.