Саудиска Арабија се надева дека ќе го деескалира конфликтот на Блискиот Исток и ќе воспостави дијалог, изјави денеска министерот за економија на земјата Фајсал ал-Ибрахим.
Како што јави агенцијата Ројтерс, Фајсал ал Ибрахим, одговарајќи на прашања на новинари на конференција во Берлин, во врска со ситуацијата на Блискиот Исток по иранскиот напад врз Израел со наведувана ракета, ескалацијата ја нарече несреќна, но и дека е многу е тешко да се избегне дискусија за тоа.
„Се надеваме дека ќе надвладее мудроста, дека ќе има деескалација, дека ќе има дијалог и дека ќе има поголема соработка на глобално ниво, но и дека ќе се посветиме на овие предизвици на регионален план“, рече тој.
Стравувањата дека Иран и САД би можеле да бидат вовлечени во регионална војна се интензивираа откако израелските напади врз Либан се интензивираа во последните две недели, вклучувајќи го и почетокот на копнената операција вчера, како и едногодишниот конфликт во Појасот Газа.
Иранската револуционерна гарда соопшти дека нападот врз Израел бил одговор на израелското убиство на милитантните водачи и нападите врз проиранскиот Хезболах во Либан, како и врз палестинската милитантна група Хамас.
Претходно денеска израелската војска ги опиша копнените операции во јужен Либан како „ограничени, локализирани и насочени напади“ чија цел е уништување на инфраструктурата на либанската група Хезболах во пограничната област.