Финската премиерка во заминување Сана Марин и нејзиниот сопруг Маркус Раиконен поднесоа барање за развод.
„Благодарни сме за нашата ќерка и за 19 години заеднички живот“, напиша таа на Инстаграм, пренесува Би-Би-Си.
Сана Марин и Маркус Раиконен се венчаа во 2020 година, кога ја водеше Финска во борбата против пандемијата на коронавирус.
Таа ќе поднесе оставка откако нејзината партија ги загуби општите избори минатиот месец.
Во објава на Инстаграм, таа истакна дека сè уште е „најдобра пријателка“ со Раиконен, бизнисмен и поранешен професионален фудбалер.
„Ќе продолжиме да поминуваме време заедно како семејство и едни со други“, рече таа.
Марин (37) стана најмладата премиерка кога ја презеде функцијата во 2019 година. Но, во април, таа загуби тесна трка од Националната коалициона партија на Петери Орпо и десничарската популистичка партија на Финците, предводена од Рика Пура.