Џо Бајден и неговата администрација се заканија дека ќе го забранат ТикТок во Соединетите Американски Држави, доколку кинеските сопственици на оваа социјална мрежа не се откажат од своите акции во компанијата.
Одлуката е најдраматичната во серијата ескалации меѓу ТикТок и администрацијата на Бајден и доаѓа во услови на страв од закана дека податоците на американските корисници би можеле да завршат кај кинеските власти.
Велика Британија, Канада и Австралија неодамна ја забранија употребата на апликацијата во парламентот.
САД веќе го забранија ТикТок од федералните владини уреди, но ова е прв пат под администрацијата на Бајден да се закани со потенцијална забрана на ТикТок низ целата земја.
Поранешниот американски претседател Доналд Трамп се обиде да го забрани ТикТок во САД во 2020 година, но беше блокиран од судовите.
Портпаролката на ТикТок, Брук Оберветер, изјави за Ројтерс дека компанијата неодамна слушнала од Комитетот за странски инвестиции во САД (CFIUS), предводен од Министерството за финансии на САД.
Тој наведува дека Одборот побарал кинеските сопственици на апликацијата да ги продадат своите акции и рекле дека во спротивно ќе се соочат со можна забрана на апликацијата низ целата земја.
ТикТок е една од најпопуларните социјални мрежи во светот со повеќе од 100 милиони корисници во САД, пренесува Индекс.
„Ако целта е заштитата на националната безбедност, продажбата не го решава проблемот. Промената на сопственоста нема да наметне никакви нови ограничувања на протокот на податоци или пристапот“, рече портпаролката на ТикТок.
Во услови на зголемена контрола, ТикТок објави план за безбедност на податоците претходно овој месец кој ќе ги заштити податоците на корисниците низ Европа.
Тој план, наречен Project Clover, вклучува складирање на податоци на сервери во Ирска и Норвешка, при што трета страна ИТ компанија ги проверува сите преноси на податоци надвор од Европа.