Распарченото тело на магнат на криптовалути, наводно, е пронајдено во главниот град на Бугарија Софија, пишува Newsweek.
Посмртните останки на Кристијан Пеев (41), кој имал американско и бугарско државјанство, биле пронајдени набиени во тоалет од водоинсталатери, кои биле повикани да расчистат блокиран одвод, објави британски The Mirror.
Пеев дипломирал на американски универзитет и го изградил своето богатство преку крипто инвестиции.
Инспекторите веруваат дека тој бил убиен во периодот од 8 до 9 август, а дека убиецот е Веско Валчинов, со кого се запознал пред шест години.
Локалните медиуми објавија дека убиецот ја убил својата жртва со гира и го исекол телото во бањата пред да фрли некои од деловите во тоалетот.
Инспекторите го пронашле местото на злосторството откако провериле два телефони на Пеев, чиј брат го пријавил како исчезнат на 10 август.
На денот кога исчезнал бил во контакт со Валчинов.
На снимката од надзорните камери наводно се гледа дека Пеев и Валчинов на 8 август влегле во станбената зграда на осомничениот убиец, а следниот ден Валчинов сам ја напуштил зградата.
JUST IN : #Crypto millionaire Christian Peev, a 41-year-old US cryptocurrency investor has been found chopped up and flashed down the toilet by plumbers called to clear a block drain. pic.twitter.com/cJpdavXvbu
— Crypto News Updates (@CryptoNewsUpd8s) August 16, 2023
Уапсен уште еден човек
Уапсен е уште еден човек, Константин Суботинов, кој наводно на полицијата ѝ рекол дека му помогнал на убиецот да ги сокрие деловите од телото на жртвата возејќи ги во софискиот кварт Витоша, каде што бил уапсен Валчинов.
Бугарските медиуми објавија дека Пеев му помагал на Валчинов со крипто-инвестиции, сугерирајќи дека убиството било мотивирано од пари.
Newsweek го контактираше бугарското Министерство за внатрешни работи за дополнителни коментари.
Пеев е вториот крипто милионер кој е пронајден мртов во рок од еден месец.
Деловите од телото на Фернандо Перез Алгаба беа пронајдени во црвен ковчег фрлен во Ingeniero Budge во Буенос Аирес на 23 јули, откако тој исчезна пет дена претходно.
На својот Инстаграм профил, Алгаба го истакнуваше екстравагантниот начин на живот финансиран од крипто-инвестиции.
Во ковчегот што беше откриен се наоѓаа нозете на Алгаба и едната подлактица.
Аргентинските медиуми објавија дека делови од телото се ампутирани, што укажува дека тоа е дело на професионалец.
Обдукцијата покажа дека жртвата била застрелана три пати пред да биде распарчена.