Рускиот претседател Владимир Путин во вторник пристигна во Чеченија, а на аеродромот во Грозни го пречека претседателот на таа руска република Рамзан Кадиров.
Путин стана почесен граѓанин на Чеченија, а повелбата и признанието на Кадиров и чеченскиот муфтија Салах Межиев.
Путин му се заблагодари на муфтијата на чеченски јазик за, како што е наведено, работата што ја работи.
„Вие сте чувар на вредностите кои го зајакнуваат нашиот мултинационален свет и сите наши религии. Ова е ваша работа, ваша мисија пред целиот наш народ“, рече Путин и му подари на муфтијата рачно напишана копија од Куранот.
Рускиот претседател ја посети и академијата за специјални сили што го носи неговото име и разговараше со борци доброволци, кои таму се обучуваат пред да бидат распоредени во Украина.
Тој ги пофали волонтерите и рече дека Русија ќе биде непобедлива се додека има луѓе како нив.
Кадиров му покажа на Путин модел од новата населба што треба да се гради во Грозни и најави дека новата населба ќе го носи името на Путин.
Путин претходно посети два други региони на Северен Кавказ, Кабардино-Балкарија и Северна Осетија.
Путин ја посети Чеченија, автономен регион во Русија, за време на неговиот втор претседателски мандат во 2005 година и зборуваше на првиот состанок на парламентот на републиката.
Рускиот претседател последен пат ја посети Чеченија во 2011 година како премиер, кога претседаваше со состанокот на владината комисија за развој на Северен Кавказ во Гудермес.