Бери Ричард МекКафри, пензиониран американски генерал и деловен советник, кој служеше во кабинетот на претседателот Бил Клинтон, ја коментираше актуелната ситуација во Украина.
Поранешниот генерал смета дека рускиот претседател Владимир Путин би можел да употреби нуклеарно или хемиско оружје доколку падне град кој претходно бил окупиран од неговите сили.
– Доколку Херсон падне и Путин загуби 15.000 од своите најдобри војници, тоа ќе биде политичка катастрофа што ќе ја дестабилизира земјата. Нема да може да најде излез. Единствените алатки за ескалација ќе бидат тактичкото нуклеарно оружје или хемиското оружје. Катастрофа – порача генералот на Твитер.
Зборувајќи за хемиското оружје, тој рече дека првенствено мислел на артилерија и нервни агенси испорачани со воздух.
– Лошо оружје против соодветно опремени и обучени војници – напиша тој и додаде дека тоа е страшно оружје на теророт против цивилите.
– САД и НАТО би преземале голема акција со конвенционално оружје против Русија – тврди МекКафри.