Две лица загинаа, а едно е повредено во пукање што се случи во приватен дом во Ланкастер, Охајо, јави NBC News.
Полицијата уапси осомничено лице по пукањето што се случи вчера.
Според информациите од полицијата, на местото на настанот пристигнал полициски службеник кој наишол на 26-годишен маж со огнено оружје.
Службеникот пукал во осомничениот пред да стигне до вратата, а осомничениот се здобил со повреди, но не е јасно дали полицаецот го ранил или се здобил со повредите пред да дојде полицијата.
Лекарите рекоа дека осомничениот ќе преживее, а дека полицаецот не е повреден.
Една жена е застрелана во главата и моментално е во болница.
Двајца мажи се пронајдени мртви во домот, а полицијата не го соопштува идентитетот на починатиот.
„Постои поврзаност меѓу осомничениот и луѓето во куќата“, изјави началникот на полицијата Николас Снајдер, додавајќи дека случајот е под истрага.