Пожарите во Франција открија засолниште со муниција од Втората светска војна (ВИДЕО)

On:
Сподели со своите пријатели

Во селото Ле Порж на југот на Франција, шумските пожари открија засолниште со 400 гранати и муниција од Втората светска војна, потврдија локалните власти.

Поради високите температури се активирале експлозиви, а одекнувале и експлозии додека пожарникарите се борат со пожарот кој уништил повеќе од 180 куќи, пишува Би-Би-Си.

Експлозии во ноќта

Во текот на втората ноќ од пожарот се слушнале повеќе од 100 експлозии, изјави градоначалникот Марсијал Занинети за France Info. Тој го спореди звукот со воена состојба.

Локалниот шеф на пожарникарството им објасни на медиумите дека експлозиите, за кои првично се веруваше дека се од плински боци, најверојатно се експлозивни направи од војната активирани од топлината.

ПРОЧИТАЈТЕ И:  Цените на маслиновото масло би можеле повторно да пораснат

„На територијата на нашата општина имаше затрупани магацини со муниција за кои не знаевме. Тие експлодираа“, рече Занинети.

Тој опиша како проектилите летале на сите страни, а еден „дури поминал низ куќата“. По операциите за деминирање, повеќето жители се вратија во своите домови, но градоначалникот истакна дека некои области сè уште се затворени за јавноста.

Во понеделникот тој на Инстаграм објави дека пристапот до океанот, кампот и селото Ла Џени сè уште се забранети.

Според пишувањата на француските медиуми, станува збор за германско и француско оружје, а меѓу пронајдените направи има и минофрлачи и противтенковски гранати.

Пожарите се ставени под контрола

Оружјето било откриено откако голем шумски пожар го зафатил регионот Жиронд.

ПРОЧИТАЈТЕ И:  Снег го парализираше Нов Зеланд: Затворени патишта и училишта (ВИДЕО)

Пожарот гореше десетина дена, а сега е ставен под контрола. Фотографиите направени во понеделникот во Ле Порж покажуваат дека семејствата ги прегледуваат остатоците од нивните опожарени домови.

Во понеделникот, францускиот премиер Себастиен Лекорну им се заблагодари на пожарникарите за нивните напори и рече дека „Франција остана цврста во криза без преседан“.

Тој посочи дека борбата против пожарите во регионот Жиронд влегува во „нова фаза“ и додаде дека „евакуираните граѓани постепено се враќаат во своите домови“.

Шумските пожари ја пустошат Европа во последните две недели, особено во Франција и Шпанија, каде што се евакуирани повеќе од 330.000 луѓе.

Франција е една од најтешко погодените земји. На југозапад изгореа 42.000 хектари, па овој пожар се вбројува меѓу најголемите во Франција од Втората светска војна.

ПРОЧИТАЈТЕ И:  Првиот пациент што ја прими руската вакцина против рак е пред завршување на лекувањето