Повеќе новинари гинат во Латинска Америка и Карибите отколку во Украина

Сподели со своите пријатели

Минатата година во Латинска Америка и на Карибите биле убиени повеќе новинари отколку каде било во светот, вклучувајќи ја и украинската воена зона, соопшти Комитетот за заштита на новинарите.

Loading...

Во извештајот објавен во вторник, се наведува дека на глобално ниво најмалку 67 новинари и медиумски работници биле убиени во 2022 година, што е значително повеќе од претходната 2021 година кога загинаа 45 лица.

Речиси половина од минатогодишните убиства се случиле во Латинска Америка и на Карибите, каде биле убиени најмалку 30 новинари, меѓу кои и долгогодишниот соработник на британскиот „Гардијан“ Дом Филипс.

Филипс беше убиен минатиот јуни додека ги собирал и документирал напорите на домородните луѓе таму да го заштитат бразилскиот дел од дождовната шума во Амазон.

ПРОЧИТАЈТЕ И:  Ерупција на подводен вулкан кај пацифичкиот остров Вануату

Неговите наводни убијци допрва треба да бидат изведени пред лицето на правдата, иако полицијата во понеделникот го именуваше наводниот организатор на злосторството.

„Тоа е неверојатен број на луѓе. Најголем што некогаш сме го забележале во регионот“, изјави програмскиот директор на Комитетот за заштита на новинарите со седиште во Њујорк, Карлос Мартинез де ла Серна, објави Гардијан.

Во извештајот на Комитетот се вели дека зголемениот број убиства во Латинска Америка и Карибите го одразува „големиот ризик со кој се соочуваат новинарите во регионот кога покриваат теми како што се криминалот, корупцијата, насилството од бандите и животната средина“.