Пет момчиња групно силувале Британка на грчки остров

Сподели со своите пријатели

Група од пет до осум мажи, наводно, групно силувале Британка во хотел на грчкиот остров Родос.

Loading...

Жената (31) тврди дека таа и нејзините пријатели ги запознале мажите од Белгија во ноќен клуб во приморското одморалиште Фалираки рано во неделата наутро.

Таа рече дека мажите – на возраст меѓу 30 и 35 години – потоа ја однеле неа и нејзините пријателки во нивната хотелска соба во Фалираки.

ПРОЧИТАЈТЕ И:  Брнабиќ: Србија не е неутрална во однос на војната во Украина

Британката ѝ рекла на полицијата во Грција дека имала консензуален секс со еден од мажите на балконот од хотелот и во собата, пишува локалниот весник Димократики.

Таа рече дека во еден момент нејзините пријатели ја напуштиле собата.

Жената тврдела дека група мажи потоа ја нападнале и групно ја силувале.

На полицијата ѝ рекла дека побегнала од хотелот и со такси се вратила до местото каде што престојувала.

Жената го пријавила наводното групно силување во полиција во понеделникот наутро во 7 часот по локално време.

Loading...
ПРОЧИТАЈТЕ И:  Во Словенија предупредување за можно излевање на реките

Полицијата во Родос започна истрага и оттогаш уапси четворица белгиски осомничени, на возраст од 31, 31, 32 и 35 години, кои не се именувани.

Британката ги идентификувала сите четворица мажи како нејзини наводни силувачи.

Инспекторите зеле примероци на ДНК од четворицата мажи, додека полицијата продолжува да трага по други осомничени.

Грчките медиуми јавуваат дека четворицата мажи „не ги прифатиле обвиненијата“.