Социјалдемократската партија на Германија (СПД), Зелените и Слободната демократска партија (ФДП) предложија 23 февруари за датум за предвремени парламентарни избори, пренесоа германските медиуми.
По распуштањето на коалицијата, тешко дека претседателот Франк-Валтер Штајнмаер, кој на крајот одлучува за датумот на изборите, ќе се спротивстави на предлогот, наведува „Тагесшау“.
Сега останува да се разјасни кога германскиот канцелар Олаф Шолц ќе побара од Бундестагот гласање за доверба на владата.
Очекуваниот пораз во гласањето за доверба ќе го поттикне процесот на нови избори.
Се очекува Шолц да побара од Бундестагот гласање за доверба на 16 декември, пишува германскиот весник.
Минатата недела германскиот канцелар го разреши министерот за финансии Кристијан Линднер, по што пропадна таканаречената „семафорска коалиција“.