Осумнаесет лица загинаа, меѓу кои и министерот за внатрешни работи на Украина, откако хеликоптер се урна во близина на градинка во источното предградие на главниот град Киев.
Покрај министерот Денис Монастирски, загинаа и неговиот заменик Евген Јењих и државниот секретар Јуриј Лубкович.
Меѓу жртвите има три деца, а уште 10 од нив се во болница. Во хеликоптерот бил и министерот Денис Монастирски со уште осуммина.
My friends, statesmen Denys Monastyrskyi, Yevhen Yenin, Yurii Lubkovych, everyone who was on board of that helicopter, were patriots who worked to make Ukraine stronger.
We will always remember you. Your families will be cared for.
Eternal memory to my friends. pic.twitter.com/SdHfujCUAI
— Anton Gerashchenko (@Gerashchenko_en) January 18, 2023
Началникот на националната полиција Игор Клименко на Фејсбук напиша дека хеликоптерот и припаѓа на украинската државна служба за вонредни состојби.
По падот, во близина на градинката избувнал пожар, а децата и вработените биле исфрлени од зградата. Остатоците од хеликоптерот беа видливи пред запалената зграда.
Во моментот на падот било темно и магливо, а првичните извештаи сугерираат дека хеликоптерот удрил во градинка пред да се урне во близина на станбена зграда.
Сите информации поврзани со најновите случувања со војната во Украина можете да ги прочитате ТУКА.