Стекнувањето одредени знаења преку онлајн часови за време на пандемијата меѓу американските ученици историски го покажа најлошиот резултат, покажуваат податоците на NAEP (Национална оценка на образовниот напредок), познат и како „Национална отчетна картичка“.
Математиката и вештините за читање паднаа на најниско ниво од пред пандемијата „Ковид-19“, покажаа резултатите од националните тестови објавени во понеделникот, што е индикација за штетата што затворањето на училиштата им ја направи на децата.
Рекордни резултати се забележани токму во математиката, а трендот е видлив во повеќето американски држави и во речиси сите демографски групи.
Тестовите беа спроведени на национално репрезентативен примерок од ученици од четврто и осмо одделение помеѓу јануари и март 2022 година.
Слаби резултати беа забележани и кога беше вклучено читањето, иако не толку драматично како во случајот со математиката.
Знаењето по математика на осмоодделенците е намалено за седум процентни поени во однос на 2019 година, а способноста за читање за два поени.
Тестот се смета за прво сеопфатно национално прикажување на постигањата на учениците од почетокот на пандемијата.
Претходните студии документираа слични послаби резултати во читањето и математиката откако политичките лидери и училишните области ги затворија училиштата и прибегнаа кон „учење на далечина“.
НАЕП извести дека во учебната 2020-2021 г најдобри резултати на онлајн часовите постигнале оние ученици кои почесто имале пристап до компјутер, тивка работна средина и дополнителна помош од нивните наставници.
Учениците од осмо одделение кои постигнале подобар успех велат дека почесто учествувале на онлајн часови со наставници во реално време во споредба со нивните врсници чиј успех се покажал полош.
Резултатите од тестовите беа најлоши кај децата од малцинствата, а разликите во перформансите меѓу белите ученици и нивните врсници Афроамериканци и Хиспани се зголемија откако тестот последен пат беше спроведен во 2019 година.
Американскиот секретар за образование Мигел Кардона резултатите ги нарече поразителни, истовремено нагласувајќи дека тие се повик за акција.
„Мораме што е можно поскоро да се вклучиме во помошта што ќе им овозможи на децата успешно да се израмнат со учењето математика и читањето“, рече тој.
Одлуките за заклучување и затворање на училиштата поради пандемијата ги донесоа државните гувернери и локалните власти.
Владата на Соединетите Американски Држави не повика на затворање на училиштата низ целата земја ниту под администрацијата на Трамп или Бајден.