Илјадници полски граѓани на возраст од 15 до 65 години ќе поминат воена обука оваа зима, изјави во понеделникот министерот за одбрана Мариуш Блашчак.
Во телевизиското обраќање до нацијата, Блашчак истакна дека што е можно повеќе луѓе треба да поминат обука во случај на можна криза.
Тој истакна дека во текот на зимата ќе бидат обучени вкупно 8.000 волонтери од таа возрасна група.
„Вештините стекнати на обуката ќе бидат корисни доколку има екстремна ситуација“, рече Блашчак, додавајќи дека властите се надеваат дека ќе го зголемат бројот на волонтери.
Полската влада има намера да отвори најмалку еден воен курс за обука во секоја покраина, за да обезбеди осум часа настава во сабота.
Малолетниците исто така можат да посетуваат обука придружувани од родител или законски старател.
Според извештаите на медиумите во август, повеќе од 13.000 доброволци веќе се пријавиле за доброволна воена служба во Полска, бидејќи војната во соседна Украина продолжува да беснее од 24 февруари.