Украинците потврдија дека нивните специјални сили во последните денови заробиле 102 чеченски војници од 388-та единица Ахмат, под водство на Рамзан Кадиров.
Напредокот на украинските сили во руската област Курск деновиве е се пожесток, што го вклучи алармот во редовите на руската армија.
Иако од официјална страна „украинската инвазија е под контрола“, најновите снимки покажуваат како Русите почнале да копаат ровови долги 17 километри северно од најоддалечената точка окупирана од Украинците.
Тинк-тенк Институтот за проучување на војната (ISW) смета дека Русите се загрижени поради насилниот напредок на украинските сили.
Сепак, еден од најголемите успеси е забележан со навлегувањето во Русија – Украинците потврдија дека нивните специјалци во последните денови заробиле 102 чеченски војници од единицата 388 Ахмат, под раководство на Рамзан Кадиров.
Видеото од заробените војници како лежат на земја го објави украинската организација „Сакам да живеам“, а се смета за најголемиот „улов“ од почетокот на инвазијата на Украина.
– Специјалните сили ги заробија Кадировците, проруски чеченски сили предводени од чеченскиот лидер Рамзан Кадиров, длабоко во Русија, далеку од границата. Тие велат дека се обиделе да избегаат за да не бидат фатени, иако Рамзан Кадиров претходно тврдеше дека членовите на единицата Ахмат никогаш не избегале. Па, обично не мораат затоа што се кријат, но ситуацијата во Курск се развиваше брзо, а членовите на Ахмат не се ни обидоа да пружат отпор – пишуваше заедно со видеото кое беше објавено.
“I want to live” project reports that, in total, the SBU special forces captured 102 servicemen of the 488th Guards Motorized Rifle Regiment and Kadyrov’s “Akhmat” unit. This is the largest one-time “catch” since the beginning of the full-scale invasion of Ukraine. pic.twitter.com/1mATcgqNwK
— WarTranslated (Dmitri) (@wartranslated) August 15, 2024
На друго место, Русија почна да евакуира уште илјадници луѓе од пограничните региони во четвртокот, откако Украина објави дека напредувала подлабоко на руска територија во блицкриг, чија цел е да ја принуди Москва да го забави напредувањето на остатокот од фронтот.
Најголемиот напад на суверена руска територија од Втората светска војна се случи на 6 август, кога илјадници украински војници навлегоа преку западната граница на Русија, засрамувајќи го руското воено раководство.
Со поддршка на роеви беспилотни летала, тешка артилерија и тенкови, украинските војници зазедоа дел од најголемата нуклеарна сила во светот, а во четврток борбите се водат долж фронтот на околу 18 километри во руската територија.
Вршителот на должноста гувернер на Курск, Алексеј Смирнов, изјави дека квартот Глушков, кој има 20.000 жители, се евакуира.
Според руските податоци, досега се евакуирани најмалку 200.000 луѓе од пограничните области.
Руските власти прогласија вонредна состојба во областа Белгород, која граничи со Курск, изјави во четвртокот рускиот функционер Александар Куренков.
„Ситуацијата во регионот и понатаму е сложена и напната. Како резултат на терористичките напади на украинските вооружени групи во регионот на Белгород, оштетени се станбени куќи и инфраструктура, а има загинати и повредени граѓани“, рече тој.
Украинскиот претседател Володимир Зеленски во средата изјави дека украинските сили напреднале неколку километри и дека целта за пополнување на „разменскиот фонд“ за воени заробеници е постигната.