Портпаролот на иранската армија, Мохамед Акрамини, денес ги предупреди бродовите да не ги користат она што ги нарече „лажни американски рути“ за да минуваат низ Ормутскиот теснец, нагласувајќи дека стратешкиот воден пат нема да биде отворен додека САД не ги прифатат седумте услови на Иран, објави Тасним.
„Реалноста на терен покажува дека минувањето низ тие рути ги изложува бродовите на опасност од поморски мини, пожар и експлозии“, рече Акраминија.
Тој изјави дека безбедноста на пловидбата може да се гарантира само со координација со иранската армија и Корпусот на Исламската револуционерна гарда, како и со користење на рутите утврдени од тие сили, објави Ал Џезира.
Акраминија, исто така, рече дека американските воени бази во регионот остануваат „легитимни цели“ и предупреди дека секоја „погрешна проценка“ ќе биде дочекана со силен одговор што ќе ги надмине географските граници.

