Нигер ја стави војската во максимална готовност

Сподели со своите пријатели

Началникот на Генералштабот на вооружените сили на Нигер, Муса Салау Барму, кој беше назначен од бунтовниците, наредил вооружените сили на земјата да бидат ставени во максимална готовност, јавуваат медиумите.

Loading...

„Од моментот на добивање на оваа објава, подигнете ја целата армија во состојба на максимална готовност“, рече началникот на ГШ.

Барму објасни дека одлуката е донесена во контекст на се поочигледната закана од агресија против Нигер, со цел да се избегне општо изненадување, како и да се обезбеди соодветен одговор.

Претходно беше објавено дека бунтовниците кои ја презедоа власта во Нигер го назначија началникот на Генералштабот на вооружените сили, кој беше обучен во САД.

Националниот совет за спас на татковината, формиран од бунтовниците на Нигер, објави дека Нијами го протерува францускиот амбасадор Силвен Ит.

Тој мора да ја напушти земјата во рок од 48 часа.

Истовремено, тие ги демантираат информациите кои претходно ги објавија некои медиуми, меѓу кои и агенцијата АФП, дека се протерани амбасадорите на САД, Германија и Нигерија.

Во понеделникот телевизијата „Ал Арабија“ објави дека на воените аеродроми на Економската заедница на западноафриканските држави (ЕКОВАС) започнале подготовките за можна воена операција против бунтовниците во Нигер.

Loading...

Медиумите не прецизираа за кои земји станува збор.

Кон крајот на јули, војската на Нигер го собори од власт претседателот Мохамед Базум.

Лидерите на повеќето западни земји и ЕКОВАС го осудија пучот, пренесува Спутник.