Шведска не ја исклучува можноста за испраќање војници во Украина како дел од мировните сили по војната, јави во понеделникот шведското државно радио во изјавата на министерот за надворешни работи.
Шефот на шведската дипломатија Марија Малмер Стенергард го изјави ова откако британскиот премиер Кир Стармер објави дека е подготвен да испрати британски сили во Украина за да го зачува мирот, обидувајќи се да им покаже на САД дека европските земји мора да играат улога во разговорите за да се стави крај на војната, пишува Ројтерс.
„Прво мора да преговараме за праведен и одржлив мир кој ќе го почитува меѓународното право и Украина, а пред се ќе гарантира Русија едноставно да не се повлече, повторно да се засили и за само неколку години да ја нападне Украина или некоја друга земја“, рече Стенергард.
„Штом ќе постигнеме таков мир, мораме да се погрижиме тој да може да се одржи, а потоа нашата влада не исклучува ништо“, додаде таа.
Американскиот државен секретар Марко Рубио пристигна во понеделникот во Саудиска Арабија пред најавените разговори со руски претставници за ставање крај на речиси тригодишната руска агресија против Украина.