Британскиот весник Тајмс денеска објави текст во кој наведува дека документите кои се повторно анализирани укажуваат на тоа дека Титаник потонал поради необичен метеоролошки настан – „температурна инверзија“, во која студениот воздух продира под потопол воздух.
Според историчарот Тим Малтин, токму температурната инверзија довела до судир со сантата мраз, по што ја попречила спасувачката операција.
Тој тврди дека на 15 април 1912 година студен воздух со помош на Лабрадорската струја избил од под топлиот воздух што го носи Голфската струја.
Според него, ефектот од таков настан е фатаморгана што може да ги натера луѓето да мислат дека одредени предмети се поблиску отколку што се.
Иако „Титаник“ бил осуден на пропаст од моментот кога удрил во сантата мраз, огромната загуба на животи можела да се избегне доколку на помош му дошол SS Californian, кој пловел во близина, пишува весникот.
Мартин истакнува дека екипажот на SS Californian го видел Титаник, но дека поради температурната инверзија заклучиле дека не гледаат голем брод во далечината, туку помал поблиску до нив.
Ако правилно го идентификувале Титаник, можеби ќе можеле да комуницираат со него и да дознаат што се случува – наместо тоа, тие претпоставиле дека помалиот брод што го виделе немал таква опрема и неуспешно се обиделе да остварат контакт користејќи светилник, додаде историчарот.
Малтин тврди дека двата брода не можеле да ги читаат сигналите поради атмосферско нарушување.
Професорот Ендрју Јанг од Државниот универзитет во Сан Диего се согласува со него, велејќи дека имало „супериорно привидение во леденото поле каде што потона Титаник“.
„Превидот и поврзаните феномени на рефракција придонеле за конфузија во моментот на несреќата“, рече Јанг.
Титаник, кој удри во санта мраз во 23:40 часот на 15 април 1912 година, и од 2.240 патници и членови на екипажот кои испловија на Титаник, повеќе од 1.500 загинале.