Намибија планира да убие повеќе од 700 диви животни, вклучувајќи слонови, зебри и нилски коњи, а месото да им го подели на гладните жители.
Имено, земјата ја погоди најтешката суша во последните 100 години.
Министерството за животна средина, шумарство и туризам во понеделникот објави дека има намера да убие стотици животни поради месо и водни ресурси, вклучувајќи 83 слонови, 30 нилски коњи, 60 биволи, 50 импали и 300 зебри.
Повеќе од 150 животни се веќе убиени
Животните ќе бидат убиени од професионални ловци, и во паркови и на јавни површини со одржлив број на дивеч.
Намибија прогласи вонредна состојба во мај поради суша.
Околу 1,4 милиони луѓе, приближно половина од населението, се очекува да се соочат со високо ниво на несигурност во храната, пренесува CNN.
„Оваа програма ќе го намали притисокот врз водните ресурси во областите каде што бројот на диви животни ја надминува достапната површина за пасење и вода“, соопшти Министерството.
Повеќе од 150 животни се веќе убиени.