Најмалку едно лице загина во бурата Еовин, која ги погоди Велика Британија и Ирска.
Невремето со удари на ветер до 161 километар на час остави без струја речиси милион домаќинства и бизниси, пишува Би-Би-Си.
Во Ирска, 625.000 домаќинства и бизниси останаа без струја, додека поправките ќе траат неколку дена, соопшти ирската компанија за дистрибуција на електрична енергија.
Исто така, околу 138.000 луѓе останаа без вода поради прекини на струја во водоводните постројки.
Во Северна Ирска без струја се 214.000 домаќинства, додека во Шкотска бројката е 106.000, а во северозападна Англија 20.000.
Невремето предизвика голема штета на инфраструктурата, а повеќе од 1.800 дрвја, гранки и други објекти ги блокираа патиштата.
Во Северна Ирска, 60 училишта пријавија сериозни оштетувања на објектите.
Исто така, експертите проценуваат дека поправката на инфраструктурата ќе трае неколку дена.
Во Шкотска и Северна Ирска се уште се на сила предупредувањата за силен ветер, додека во Англија се очекуваат врнежи и снег.
Се очекува утре и понеделник ветровите да достигнат брзина и до 128 километри на час, додека делови од Англија и Велс ќе бидат погодени со 80 милиметри врнежи од дожд.
Сообраќајот е сериозно во прекин поради невремето.
Железничкиот сообраќај во Шкотска исто така е сериозно погоден.
Многу фериботи во Единбург, Глазгов и Белфаст остануваат во прекин, а некои фериботи се откажани.
Властите ги повикаа граѓаните да избегнуваат патувања поради опасните временски услови, а предупредувањата за ветер, снег и мраз ќе останат во сила до утре.