Во Пекинг денеска беше отворен најголемиот настан за воена дипломатија во Кина – Форумот Ксианшан, на кој ќе учествуваат повеќе од 100 земји и организации, јавува Ксинхуа.
Под темата „Промовирање на мирот за заедничка иднина“, овогодинешниот 11-ти Форум Ксианшан, кој завршува утре, вклучува критични дискусии за глобалната безбедност, регионалната стабилност и иновативните одбранбени технологии.
Во писмото за добредојде, кинескиот претседател Си Џинпинг изрази надеж дека форумот ќе продолжи да го поддржува духот на еднаквост, отвореност, инклузивност и взаемно учење, да поттикнува широк консензус и да ја продлабочи меѓусебната доверба.
Тој, исто така, се надева дека форумот ќе даде нов и поголем придонес за заедничко соочување со глобалните безбедносни предизвици и промовирање на градењето на човечка заедница со заедничка иднина.
Кинескиот министер за одбрана Донг Џун во своето отворање на форумот рече дека големите земји мора да преземат водство во зачувувањето на глобалната безбедност, пренесува Ројтерс.