Марин Ле Пен, лидер на екстремно десничарската Национална партија, е прогласена за виновна за злоупотреба на јавни средства, пишува Euronews.
Ле Пен и 24 нејзини колеги од Националната партија се обвинети за проневера на средства на Европскиот парламент, а исходот може да ја спречи Ле Пен да се кандидира за француски претседател во 2027 година, објавија претходно француските медиуми.
Партијата РН, која ја смета Ле Пен за фаворит меѓу потенцијалните кандидати во претседателската трка за две години, го осуди судењето како политички мотивирано, пренесува Франс 24.
Судијата почна да ги чита пресудите во 10 часот, а се очекува читањето да трае неколку часа.
Ле Пен и 24 нејзини сопартијци, вклучително и девет поранешни членови на Европскиот парламент и нивните 12 помошници во тоа тело на ЕУ, се обвинети дека со години воделе масовна шема за проневера на европските фондови.
Тие се обвинети дека користеле пари наменети за асистенти на европските парламенти за плаќање на партиските работници во Франција.
Обвинителот побара Ле Пен да биде казнета со 300.000 евра и 10 години затвор.
На Марин Ле Пен ѝ се заканува забрана да се кандидира за избори во следните пет години, што ќе стапи во сила веднаш, дури и во случај на жалба, објаснува телевизијата БФМ.
Тоа конкретно би значело дека таа ќе остане пратеник, но нема да може да се кандидира за избори во следните пет години – ниту пак ќе може да биде реизбрана за пратеник во случај на распуштање, ниту пак ќе може да се кандидира на претседателските избори во 2027 година.
Во изјава за ТФ 1, таа го окарактеризира како „барање за политичка смртна казна против неа“.