Вечерва со почеток во 20 часот, во фоајето на НУ Центар за култура „Трајко Прокопиев“ Куманово, ќе се одржи литературна вечер со украинската писателка Анна Багрјана.
Анна Багрјана е родена 1981 година во Фастов, Украина. Дипломирала и магистрирала Украински јазик и литература на Филолошкиот факултет во Киев. Работела како новинар на телевизија, радио и печат. Oд 2007 до 2009 година била Секретар на Советот на Здружението на писатели на Украина за работа со млади автори како и главен уредник на списанието „Гранословие“.
Добитничка е на многу награди и признанија, нејзините дела се преведени на полски, азербејџански, француски, српски, хрватски, белоруски и на други јазици. Во нејзиниот книжевен опус се вбројуваат романи, драми, поетски збирки. Авторка е на следниве дела: „Соцветие од зборови“, „Меѓу боговите и нас“, „Другите линии“, „Толку необична љубов“ , „Прошетка по јаже“, „Етимологија на крвта“, „Толку необична љубов“, „Дошкуљака“.Театарската сцена на Украина, САД и Македонија се збогатени со нејзините драми. Книгите на Анна Багрјана се објавени во Полска, Македонија, Србија, Белгија и Бугарија.
Програмата ќе биде збогатена со музичка изведба од младиот пијанист Јован Цветковиќ, модератор на настанот е Теодора Цветковиќ, низ стиховите ќе не води Теодор Јакимовски.
Интегрално соопштение