Водачот на демократите во американскиот Сенат, Чак Шумер, му рекол на претседателот Џо Бајден на состанокот во саботата дека ќе биде подобро за земјата и Демократската партија ако тој се откаже од кампањата за реизбор, објави во средата ABC News.
ABC News соопшти дека приватната средба се одржала во домот на Бајден во Рехобот, Делавер.
„Седнав со претседателот Бајден попладнево во Делавер; имавме добар состанок“, рече Шумер во изјавата објавена во саботата.
Претходно во средата, демократскиот пратеник Адам Шиф стана 20-тиот конгресен демократ кој јавно го повика Бајден да се откаже од претседателската трка.
Загриженоста меѓу демократите за способноста на 81-годишниот актуелен претседател да го победи републиканскиот противкандидат Трамп или да остане на функцијата уште четири години, се зголеми по вознемирувачкиот настап на Бајден во дебатата на 27 јуни.