Недвижноста која некогаш била во сопственост на колумбискиот наркобос Пабло Ескобар претворена е во луксузно сместување исполнето со уметнички дела.
Вилата е сместена на плажата во градот Тулум во Мексико. Сега е реновирана и претворена во хотел кој е во сопственост на компанијата „Lio Malca“ од Њујорк која се занимава со трговија со уметнички дела.
Loading...
Откако Ескобар ја напуштил, недвижноста останала напуштена, се до 2012 година кога започнува постепено реновирање и во 2015 е отворена како готел со пет ѕвездички.
Вилата има девет соби, а се наоѓа на чекор од плажата со бел песок. Внатрешноста е уште поинтересна, се од вратата внимание веднаш привлекуваат персиските теписи.
Во лобито се слики, скулптури и мебел од најценетите уметници и дизајнери, а интересно е што распоредот на уметничките дела во хотелот често се менува за да гостите уживаат во различни дела.
Спиралните скалила водат до кровот, а таму се наоѓа бар каде се оргранизираат разни настани, додека кулата нуди поглед на тропскиот пејсаж. Стаклените врата ја делат куќата од плажата, а ако гостите не сакаат капење во море, тука е и огромен базен.
Тулум инаку се наоѓа на карибското крајбрежје на мексиканскиот полуостров Јукатан. Оваа област последните години е во тренд и тука моментално се градат повеќе хотели.