Летонците излегуваат на избори во сенка на руската инвазија на Украина и тоа ќе му помогне на премиерот Артурс Кришјанис Каринш, кој ги поддржува ЕУ и НАТО, повторно да победи.
Избирачките места се отвораат во 7:00 часот по локално време, а се затвораат во 20:00 часот.
Набрзо по затворањето на избирачките места се очекуваат првите резултати.
Анкетите покажуваат дека популистите, конзервативците и социјалдемократската партија Склад, која обично ужива силна поддршка од големото руско малцинство во земјата, ослабеле.
„Луѓето се собираат околу знамето“
„Руската инвазија на Украина му помага на Каринш да привлече гласачи во Летонија бидејќи во такви времиња луѓето имаат тенденција да се собираат околу знамето“, рече Марсис Крастинс, политички експерт.
Крастинс рече дека Каринш „најверојатно“ ќе победи, но ќе зависи од тоа колку од помалите партии што го поддржуваат ќе го поминат прагот од пет проценти за влез во парламентот.
Главното прашање на изборите во таа земја со 1,8 милиони жители е војната во Украина, порастот на трошоците за живот и желбата за енергетска независност од Русија.
„Гласачите бараат способни лидери кои ќе можат да ги решат овие прашања“, рече Крастинс.