Израелскиот премиер Бенјамин Нетанјаху и неговата влада „станаа егзистенцијална закана за Израел“, изјави денеска лидерот на опозицијата Јаир Лапид, обвинувајќи ги за уништување на политиката на одвраќање на Израел.
Зборувајќи за новинарите пред состанокот на фракцијата Јеш Атид на неговата партија во Кнесетот, Лапид истакна дека и пријателите и непријателите на Израел „ја чувствуваат слабоста“ на актуелната влада.
– Бев во Вашингтон минатата недела, на состаноци со целата администрација. Тие се шокирани од оваа влада: недостаток на одговорност, недостаток на професионализам, лошо менаџирање – вели тој, пренесува Тајмс оф Израел.
Лапид наведува дека иако САД ја потврдија својата посветеност на безбедноста на Израел, Нетанјаху не ја потврдија.
– Од „г-дин безбедност“ останаа само урнатините од Бери до Кирјат Шмона, насилството на еврејските терористи кои излегоа од контрола и целосното губење на израелската одвраќање.