Кумановските гимназијалци ги освоија првите три места на државниот натпревар по руски јазик (фото)

Учениците од Гимназијата „Гоце Делчев“ дома заминаа со првите три места од државниот натпревар по руски јазик кој секоја година се одржува во организација на Амбасадата на Руската Федерација во Република Македонија.

Под менторска палка на професорката Биљана Коцевска, првото место замина во рацете на Мартина Радевска, со второ место се закити Дамјан Ристевски, а високото трето место го освои Симона Коцевска.

Учениците своето знаење го покажаа пред комисија од Руска амбасада и Филолошкиот факултет во состав: Алексеев Александр Евгењевич – прв секретар по култура, образование, наука и спорт; Лушин Михаил Михајлович – Аташе по образование и лекторите Пљасунова Надежда Јуриевна од МГУ Москва и Екатерина Терзијоска од Универзитетот „Св. Кирил и Методиј“.

За знаењата на учениците од гимназијата говори и фактот што веќе со години наназад првите три места доаѓаат во Куманово.