Куќа изгоре во пожар во селото Челопек

Куќа вчера попладне била опожарена во селото Челопек во општина Старо Нагоричане, информираат од Регионалниот центар за управување со кризи.

Акцијата за гаснење на пламените јазици започнала околу 18:30 часот при што учествувале две возила и шестмина пожарникари на ТППЕ Старо Нагоричане, а подоцна им се приклучила и екипа од двајца пожарникари од Куманово.

Огнот бил зигаснат околу полноќ, а како што потенцираат од РЦУК, во пожарот нема повредени лица.

Причина за избувнување на пожарот, како и висината на материјалната штета допрва ќе се утврдуваат.

Никола Ивановски