Еден од најпознатите светски изумители и научници Никола Тесла, автор е на повеќе од 700 патенти во областа на физиката, електротехниката и радиотехниката, патентирал меѓу другото и лек за кожни заболувања, а ова негово откритие денес го произведуваат Кубанците.
Се работи за озонирано сончогледово масло, кое ги елиминира раните на кожата предизвикани со габични заболувања, дури и дијабетесно стапало.
Тесла, кој упорно го препорачувал озон лекувањето, прв го измислил апаратот за озонирање, односно за продукција на овој гас, и тој генератор, меѓу другото го заштитил.
– Таквиот озон го ставил во вода, но на ист начин направил и озонирал сончогледово масло. Двата производи ги делел со пријателите, а особено маслото за да се изборат со кожни заболувања, стомачни паразитски заболувања, повреди, рани, вели Зоран Вујовиќ, чија фирма е застапник на кубанскиот институт CIMAB за земјите на поранешна Југославија.
Откритието на Никола Тесла, кое тој не го патентирал, го искористиле научници од Хавана. Направиле два препарати, двата на база на озонирано масло од смки сончоглед, со тоа што едниот се користи за лекување болести на кожа, а другиот за паразитски заболувања на цревата.
– Озонираната вода, која Тесла ја правел, се користела да се убијат микроби и бактерии. Маслото кое го прават Кубанците, врз основа на неговото откритие, има две примени. Едното е масло топико кое се нанесува на кожата и ги решава сите проблеми на неа предизвикани од габи. Затвора рани кои тие ги предизвикуваат, па дури и оние кои настануваат при дијабетесно стапало, објаснува Вујовиќ.
Другото масло, кое исто така е со озон, може да се пие.
– Него претежно го користат лица кои имаат паразитски заболувања, затоа што ги убива сите паразити во организмот, вели тој .
Со оглед дека Кубанците немаат сончогледово масло за јадење, го увезуваат од Шпанија.