Без разлика дали ве фаќа несвестица или кожата ви е сува, сигурно сте биле советувани да го зголемите внесот на вода.
Како што открива Би-Би-Си, овие совети немаат нужна научна основа, но се нуспроизвод на вековно верување.
Според Винсент Присниз, основач на хидропатија, луѓето во 19 век вода пиеле и на смртна постал.
Времињата значително се променија, а продажбата на вода во САД денес ги надминува газираните пијалоци. Од сите страни, наидуваме на пораки за важноста да внесуваме литри вода секој ден за подобро здравје, повеќе енергија и почиста кожа и дека водата е клучот за успех во борбата против вишокот килограми и спречувањето на карцином.
Поттик за оваа потреба од вода е неофицијалното мото „пиење осум чаши по 240мл вода на ден“, што е скоро два литри вода дневно. Сепак, ова правило не е поддржано од научни истражувања.
Потеклото на овој правилник веројатно лежи во две упатства стари неколку децении.
Уште во 1945 година, Комитетот за храна и исхрана на американскиот Национален совет за истражување издаде упатство во кое стои дека возрасните треба консумираат еден милилитар течност за секоја калорија храна.
Кај жените, со внес на 2.000 калории, оваа вредност беше 2 литри течност, додека кај мажите кои внесуваат 2.500 калории, вистинскиот сооднос беше 2,5 литри течност на ден. Сепак, не станува збор исклучиво за вода, туку и за други видови пијалоци, вклучувајќи овошје и зеленчук што содржат 98% вода.
Во меѓувреме, во 1974 година беше објавена книга на нутриционистите Маргарет Меквилијамс и Фредерик Стер со наслов „Исхрана за добро здравје“. Во својата книга, тие ги советуваат возрасните да земаат меѓу шест и осум чаши вода на ден. Сепак, тие велат дека може да вклучуваат овошје, зеленчук, пијалоци со кофеин, сосови, дури и пиво.
Водата сочинува две третини од нашата телесна тежина и секако е од големо значење. Игра клучна улога во повеќето хемиски реакции што се случуваат во нашето тело.
Телото губи вода преку потење, мокрење и дишење. Симптомите на дехидрираност може да се забележат откако ќе изгубите 1-2 проценти од снабдувањето со вода на вашето тело. Само во ретки случаи оваа состојба може да биде смртоносна.
Верувањето во митот што вели дека треба да пиеме осум чаши вода на ден, нè убеди да го толкуваме секое чувство на жед како состојба на опасна дехидрација. Наспроти ова верување, експертите велат дека на нашето тело не му треба повеќе од количината на течност што го бара самото тело.
„Слушајте го вашето тело и тоа ќе ви каже кога е жедно“, вели д-р Корни Кипс од Лондон.
„Тој мит за тоа дека сте задоцниле ако се чувствувате жедни, се заснова на претпоставката дека жедта е лажен знак на недостаток на течност, но прашањето е зошто другите механизми во организмот би биле совршени, а жедта е лажна“, додава таа.